أميمة عطية كود كازا ///

تمكنت عناصر الشرطة بولاية أمن مكناس، بتنسيق مع مصالح المديرية العامة لمراقبة التراب الوطني، باش توقف شاب عندو 25 عام، شاكين انو متورط فشبكة كتروج لوثائق رسمية وشواهد دراسية مزورة مقابل مبالغ مالية.

وحسب المعطيات المتوفرة، هاد العملية جات من بعد ما رصدات مصالح اليقظة المعلوماتية إعلانات منشورة فمواقع التواصل الاجتماعي ديال بيع هاد الوثائق.

وقدرات الأبحاث والتحريات، تحدد هوية المشتبه فيه وتوقيفو، ولقاو عندو شواهد ودبلومات مزورة، إضافة لوثائق ولائحة أسماء أشخاص، ومبالغ مالية كتشبه تكون من عائدات هاد النشاط.

الموقوف تحط تحت البحث القضائي تحت إشراف النيابة العامة المختصة، باش يكملو معاه البحث واعرفو تفاصيل هاد لواقعة.