كريم الصوفي – كود//

[email protected]

قبل أيام، بوليس كتالونيا شدو مغربي عندو علاقة باختفاء مراتو قبل ما يهرب للمغرب ورجحات التحريات باش يكون صفاها ليها وخبا الجثة ديالها. الجديد فهاذ القضية، هو اكتشاف جثة نهار الجمعة الفايتة فبلدية سينتيليس في أوسونا (برشلونة).

وقالت تقارير إخبارية، أن موسوس دي إسكوادرا، عندهم شكوك بأن الجثة ديال زوجة المغربي اللي كيبلغ من العمر 59 عام وتشد بسباب الاشتباه في تورطه فقتلها، بعد إبلاغه عن الاختفاء ديالها في ظروف مشبوهة، حيث تم اعتقال المعني بالأمر، بعد التأكد من نيته الفرار إلى المغرب.

وبلغ الموقوف المغربي عن اختفاء مراتو ف 19 أبريل الفايت وقال البوليس ديال وحدة الأشخاص المفقودين، أن مراتو خرجات من الدار وما رجعاتش. لكن البوليس شكو ف الهضرة ديالو وربطوه بجريمة قتل مفترضة. وفي صباح 13 ماي، تم تقديم المعتقل إلى العدالة. ورفض يجاوب على أسئلة البوليس.

وكشفات المصادر ذاتها، أن التحقيق اللي كتجريه الشرطة الكاتالونية كيخضع لسرية تامة، وما يمكنش تأكيد أي شيء حتا تبان النتائج ديال اختبارات الحمض النووي، واللي غادي تسمح بالتعرف على الضحية دون أدنى شك.