أنس العمري -كود///

شدات المصالح الأمنية فكازا، فالساعات اللي فاتت، مشجع جزائري بان فواحد الفيديو راج على مواقع التواصل الاجتماعي، مع مشجعين جزائريين آخرين فمحيط ملعب مدينة مراكش، وهما كيقطعو فلوس من العملة المغربية.

هاد المشجع الجزائري (ك.ب)، اللي حامل للجنسية البريطانية، اعترف بالأفعال اللي منسوبة ليه، وتسلماتو المصالح الأمنية بمراكش، فين تحط تحت الحراسة النظرية بتعليمات من النيابة العامة لدى استئنافية مراكش.

توقيف المعني بالأمر جا فإطار التفاعل السريع ديال المصالح الأمنية مع محتوى الفيديو اللي وثق لحظة قيامو بتمزيق أوراق نقدية وطنية.