كود كازا//
تمكنات عناصر البوليس فمنطقة أمن سيدي البرنوصي فكازا ، نهار اليوم الجمعة 27 مارس، يوقفو قاصر عندو 17 عام، كيتّهمو فسرقة باستعمال الكسر.
وحسب المعلومات لي توصلات بيها “كود”، هاد الشخص سرق موتور كان واقف فزنقة، والأحداث هادي تصورات ففيديو وتداولوه الناس فمواقع التواصل الاجتماعي، ومن بعد البحث والتحريات، البوليس عرفو ووقفوه.
دابا القاصر تحت البحث القضائي بإشراف النيابة العامة، باش يتعرفو على جميع ظروف وملابسات القضية ويحددو شنو الجرائم اللي تنسبات ليه.
