الرئيسية > آش واقع > بوليس رومانيا شدو فرنساوي روشيرشي متورط مع العصابة اللي قتلات مغربي فكتالونيا
09/01/2022 08:00 آش واقع

بوليس رومانيا شدو فرنساوي روشيرشي متورط مع العصابة اللي قتلات مغربي فكتالونيا

بوليس رومانيا شدو فرنساوي روشيرشي متورط مع العصابة اللي قتلات مغربي فكتالونيا

كريم الصوفي – كود//

[email protected]

قالت مواقع إخبارية، أن الشرطة الرومانية شدات فرنساوي روشيرشي عندو الروج من الانتربول بسباب علاقتو المباشرة بجريمة مقتل مغربي ف بلدة فيگيريس الكتالونية، واللي وقعات ف فبراير 2021، وقريب غادي يتم استكمال اجراءات تسليمه إلى المحكمة رقم 7 ف  فيگيريس، المكلفة بالتحقيق ف هاذ القضية. المشتبه به الرئيسي ف الجريمة شدو ف بلجيكا

المشتبه بهم فهاذ جريمة القتل تقريبا عددهم 8 ديال الأشخاص كاين اللي تشد وتطلق وكاين اللي باقي هارب و”روشيرشي”. الضحية المغربي لقاوه ميت ومليوح ف فبراير 2021 على الطريق المؤدية إلى فيرجن ديل مونت وتقرير الطب الشرعي اكد ان الواقعة هي جريمة قتل ما حادثة كما بغاو المتورطين يوهمو البوليس. واللي معروف من تفاصيل الجريمة، ان واحد من المتهمين خدام مع الضحية ف محل ديال الميكانيك وليلة 27 فبراير 2021 دارو جلسة جماعية ديال الشوا وبقاو ناشطين وناضت صباط بيناتهم على شي فلوس.

واضافت التقارير، أن الضحية تعرض للضرب وتخلصو من الجثة ديالو وقدر الفرنساري يهرب قبل ما يتشد أخيرا ف رومانيا ومتهم آخر تشد ف بلجيكا والتحقيقات باقي خدامة مع الجميع اللي متابعين ف حالة سراح حتى تبان تفاصيل اش وقع بالضبط فهذيك الليلة.

موضوعات أخرى

20/01/2022 22:28

“الريزو” ديال تحويل العملات الرقمية والاختطاف والاحتجاز.. الفرقة الوطنية لقات فلوس صحيحة عاود تجاوزات 10 ملايين درهم