الرئيسية > آش واقع > بوليس بني انصار حدا مليلية شد عصابة كاتهجم على المحلات وتسرقهوم
17/01/2021 13:20 آش واقع

بوليس بني انصار حدا مليلية شد عصابة كاتهجم على المحلات وتسرقهوم

كريم الشركي-كود///

لابيجي ديال بني انصار، فإقليم الناظور، قدرات تسالي نشاط عصابة اجرامية، كانت كتهجم على المخازن والمحلات التجارية فالليل وتسرقهوم.

مصادر محلية قالت أن شكاية تقدم بيها مالك مخزن للمعدات الفلاحية، بينات أن هاد العصابة كتستعمل الليل باش تسرق المخازن والمحلات، وقد تمكنت عناصر الشرطة القضائية من اعتقال احد المتورطين فهاد السرقة.

وقادت تحريات الشرطة للوصول الى الى المسروقات لي كانت عند هاد اللص، واللي بلغ على باقي زملاءه، حيث جرى اعتقال اثنان منهم بضواحي بني أنصار فيما لا يزال البحث جاري عن بقية الشركاء.

موضوعات أخرى