وكالات//

شدات السلطات الفيتنامية نغوين ثوك ثوي تين، اللي كانت ربحات من قبل لقب ملكة جمال “غراند إنترناشيونال”، بتهمة النصب والاحتيال، بعدما كانت كتروج لحلوى قالت إنها غنية بالألياف، ولكن تبيّن من بعد أنها فيها غير نسبة قليلة بزاف من الألياف.

حسب جريدة “الأمن العام”، البوليس علن نهار الاثنين أن تين كانت عارفة مزيان أن نسبة الألياف فحلوى Kiera Super Greens ما كتفوتش 0.935%، ومع ذلك كانت كتقول للناس أنها كتساوي طبق ديال الخضرة كامل فكل قطعة ديال الجيلاتين.

وتين ما كانتش بوحدها، كانت كتشهر هاد الحلوى مع مؤثرين آخرين: فام كوانغ لينه وهانغ دو موك، فإطار مشروع تجاري مشترك بينهم.

هاد الثلاثة كيقولو فالإنترنت إن هاد الحلوى “صحية” و”غنية بالألياف”، ولكن التحقيقات بينات أن فيها نسبة كبيرة من مادة السوربيتول، اللي هي واحد المُحلّي الصناعي معروف كيعمل تأثير مُليّن، وزيد عليها مكونات أخرى ما صرحوش بيها.