الرئيسية > تبركيك > بوليس الصبليون لقاو جثة مغربي محروق حدا مترو مدريد
12/04/2021 10:00 تبركيك

بوليس الصبليون لقاو جثة مغربي محروق حدا مترو مدريد

بوليس الصبليون لقاو جثة مغربي محروق حدا مترو مدريد

كريم الشركي-كود///

في زوال يوم امس الاحد على الساعة 12:55 لقاو عدد من المواطنين جثة متفحمة بعدما كانو دايزين بالقرب من محطة المترو د الكوركون فمدريد وعطاتهم ريحة مجهدة خلاتهم يقلبو باش يعرفو مصدر الريحة.

هاد المواطنين وبمجرد عثورهم على الجثة ربطو الاتصال بالبوليس، لي حضرات العناصر ديالو وبدات التحقيق فالنازلة، حسب ما ذكر موقع الكورون اوي.

البوليس قال بعد معاينة الجثة والتحقيق الاولي  أنه كيشك بان الجثة تعود لمتشرد مغربي فعمرو 41 وسميتو علي، وكانوا صحابو دارو بلاغ باختفاؤو هادي جوج سيمانات بعدما عياو يقلبو عليه ومالقاوهش.

وكتظن عناصر الشرطة، ان الحادث ماشي عرضي، وإنما تم احراق هاد السيد من طرف مجهولين، حيث بدات البحث عن الادلة لي غاتوصلهوم للجناة.

موضوعات أخرى

12/05/2021 00:00

رمضان وكونفينمون (الحلقة 27).. الممثل أمين الناجي فحوار مع “كود”: مازال عندنا نقص ف”السيتكوم”.. وحتى عمل فني مافيه إساءة غير اللي فيه الفز كيقفز