الرئيسية > آش واقع > بوليس الصبليون طيحو عصابة دولية للمخدرات ديال مغاربة انطلاقا من هولندا
28/07/2020 14:20 آش واقع

بوليس الصبليون طيحو عصابة دولية للمخدرات ديال مغاربة انطلاقا من هولندا

بوليس الصبليون طيحو عصابة دولية للمخدرات ديال مغاربة انطلاقا من هولندا

كريم الشركي-كود//

بوليس الصبليون قدرو، بتنسيق مع نظرائهم الهولندييون يفككو شبكة إجرامية مغربية، كتنشط فالاتجار الدولي للمخدرات بهولندا، وكانت كتعذب مافيوزيين من عصابات أخرى بطرق بشعة.

المافيا اللي كيمتد نشاطها لمدينة مالقا الإسبانية، واللي كتمتلك فيها مخزن مجهز لتعذيب ضحاياها من أعضاء العصابات المنافسة بطرق جد بشعة، حيث لقاو البوليس كرسي للتعذيب وأدوات حادة كانت كتستعمل فتعذيب الأشخاص اللي كينتميو لمافيات أخرى.

وأضافت المصادر ذاتها، أن تحقيقات أمنية إسبانية وصلات لتحديد هوية واحد من هاد العصابة فمدينة مالقا، ومن خلاله تم اعتقال ستة دالاشخاص فهولندا ينتمون لنفس العصابة.

وأشارت الصحافة الإسبانية، أن هاد المافيا كيتزعمها مغاربة، وهي من ضمن عدد من العصابات المغربية اللي كتنشط فالمخدرات فهولندا وبلجيكا.

موضوعات أخرى