الرئيسية > آش واقع > بوليس الصبليون شد عشرين واحد فعصابة ديال لحريك
12/04/2021 13:50 آش واقع

بوليس الصبليون شد عشرين واحد فعصابة ديال لحريك

بوليس الصبليون شد عشرين واحد فعصابة ديال لحريك

كريم الشركي-كود//

شدو بوليس الصبليون هاد النهار الاثنين، عشرين متهم بالانتماء لعصابة دتهريب الحراكة فزوارق من المغرب لإسبانيا، وهاد الشبكة كتعتبر حسب الامن هي المسؤولة على حادث غرق وقع ففبراير الفايت، وماتو فيه ربعة دالحراكة.

وزادت الشرطة، فبيان ديالها، أن العصابة كانت كتنقل ضحاياها، وغالبيتهم مغربيات وقاصرين، لسبتة المحتلة قبل ماتديهوم فقوارب، لاسبانيا مقابل 2500 يورو عن كل شخص.

هاد العملية شارك فيها 150 بوليس، وبوليس اليوروبول، وتم حجز خلالها خمس بنادق والقرطاس، وثلاثة دالقوارب وكمية دلفلوس

موضوعات أخرى