گود سبور//

مهدد مشجع لفريق ريال أوفييدو الإسباني بالحبس بسبب العنصرية ضد نجم ريال مدريد، الفرنسي كيليان مبابي.

وشدو البوليس فالصبليون، مشجع لريال أوفييدو بسبب إشارات وعبارات وأصوات عنصرية دارها فماتش الفريق ضد ريال مدريد يوم 24 غشت الماضي فتيران كارلوس تارتيري، وتوجهت له تهمة الإخلال بالأخلاق وجريمة الكراهية بعدما شدو عليه فيديو بان فيه شنو دار، والصوت بحال صوت القرد صدر منو فالدقيقة 37 ملي كان كيليان مبابي كايحتافل بهدف ريال مدريد.

جريدة “ماركا” الإسبانية، وضحت أن المشجع وبعدا سمعو له البوليس وخداو الأقوال ديالو، قدموه للمحكمة الابتدائية، ويقدر يخلص خطية قيمتها بين 60 ألف و600 ألف أورو، ويتشد فالحبس حتى 3 سنوات.