الرئيسية > آش واقع > بوليس اسبانيا طيحو ريزو كبير فيه مغاربة وصبليونيين ورومانيين ونيجيريين وكوبيين كيستاغلو القاصرين فالدعارة وبيع الكراك
06/01/2022 10:30 آش واقع

بوليس اسبانيا طيحو ريزو كبير فيه مغاربة وصبليونيين ورومانيين ونيجيريين وكوبيين كيستاغلو القاصرين فالدعارة وبيع الكراك

بوليس اسبانيا طيحو ريزو كبير فيه مغاربة وصبليونيين ورومانيين ونيجيريين وكوبيين كيستاغلو القاصرين فالدعارة وبيع الكراك

كريم الصوفي – كود//
[email protected]

قالت تقارير اخبارية، ان الشرطة الوطنية الاسبانية شدات، مؤخرا، 37 شخص بسبب ارتباطهم بشبكة إجرامية متورطة في الاستغلال الجنسي للقاصرين وإجبارهم على ممارسة الدعارة وبيع المخدرات القوية، حسبما أفادت القيادة العليا لشرطة مدريد الاثنين الفايت في بيان صحفي.

وأضافت التقارير ذاتها، أن هاذ الريزو فيه مغاربة وصبليونيين ورومانيين ونيجيريين وكوبيين، وأعمار الضحايا القاصرين كتراواح ما بين 14 و 16 عام، ومن بين المعتقلين مغني راب معروف سمتيو “سايمول فيلي”، وأن التحقيق ف هاذ الوقائع، بدا من أبريل 2021، بعد تحريات على قاصرة كانت كتهرب من دارهم باش تدير علاقات جنسية مقابل الفلوس او المخدرات مع عضو ف الريزو.

وكشفات التحريات أن قاصرات اخريات بنفس المركز الاجتماعي ربطو علاقات مع المشتبه بهم عبر الشبكات الاجتماعية وكسبوا الثقة ديالهم وبعدا كيستغلوهم من بعد لتقديم خدمات جنسية للعملاء وبيع المواد المخدرة ليهوم. عملية احتجاز قاصر وتعذيبها جنسيا من طرف احد الكليان هو اللي كشف كلشي وخلا البوليس يجندو 150 ضابط ويشاركو ف عملية سميتها “صنعاء” وقدرو يشدو جميع المتورطين ويحجز كاميرات ومخدرات وسلاح ناري واموال وبيسيات.

https://eldiariocantabria.publico.es/articulo/espanha/liberadas-10-chicas-37-detenidos-grupo-que-explotaba-sexualmente-menores-forzaba-vender-droga/20220103195707109280.html

موضوعات أخرى