الرئيسية > آش واقع > بوليسي تيرا فمشرملين فطنجة بالقرطاس وتصاب واحد فيهوم
10/05/2019 21:20 آش واقع

بوليسي تيرا فمشرملين فطنجة بالقرطاس وتصاب واحد فيهوم

بوليسي تيرا فمشرملين فطنجة بالقرطاس وتصاب واحد فيهوم

كود طنجة//

بوليسي كيخدم ف الفقرة السياحية بولاية أمن طنجة لقا راسو مضطر باش يستعمل الفردي ديالو باش يشد واحد جوج مشرملين كانا بصدد تبادل الضرب والجرح بواسطة السلاح الأبيض في ظروف من شأنها تعريض سلامة المواطنين وممتلكاتهم للخطر، وفق ما كشفت عنه مديرية الأمن.

هاد المشرملين اللي عندهوم سوابق دخو ف شجار بواسطة جناوة بالسوق الداخل بمدينة طنجة، مما هدد أمن وسلامة مرتادي السوق، وهو الأمر الذي اضطر معه موظف شرطة لإستخدام سلاحه الوظيفي بعدما رفض المشتبه فيهما الامتثال وأبديا مقاومة عنيفة في مواجهة عناصر الشرطة.

وأثناء هاد الاستخدام الاضطراري ديال الفردي تصاب واحد فهاد المشرملين على مستوى الفخد، بعدما أصاب بدوره الشرطي بجروح، بينما مكنت عمليات البحث من حجز داك الجناوة المستعملة في الشجار، وتوقيف المشتبه فيهما اللذين تم الاحتفاظ بهما على التوالي تحت الحراسة الطبية بالمستشفى بالنسبة للشخص المصاب وتحت الحراسة النظرية بالنسبة للمشتبه فيه الثاني.

موضوعات أخرى