كود ابن احمد //
في اطار تتبع “كود ” لملف جريمة قتل المسجد الأعظم بمدينة ابن احمد ولي المتهم فيها ملقب ب بولحية ،كشف مصدر مطلع ان في هاد الأثناء يتم البحث على أشلاء ادمية للضحية التانية، المدعو قيد حياته هشام سلوان والبالغ من العمر حوالي 46 سنة بمنطقة لمطامر بالخرجة ديال ابن احمد في طريق رأس العين الشاوية .
وقالت مصادر “كود ” ، ان فرقة ديال الكلاب المدربة والفرقة الخاصة د مسرح الجريمة والشرطة القضائية د ابن احمد مدعومة بالشرطة القضائية د ولاية امن سطات دارو حملة تمشيط بهاد المنطقة اللي فيها ة مجموعة من الحفر العميقة ،للبحث عن أشلاء الضحية التاني هشام اللي اختفى يوميين من بعد العيد الصغير وسجلت عائلته بحث عند البوليس.
المصدر نفسه ، قال ان بولحية يقدر يكون قاتل مجموعة من الناس ، وهذا الشي هو لي غادي يفرزو البحث العلمي والتقني بحكم ان عناصر الشرطة القضائية حجزات عندو فالدار، اتناء التفتيش، لائحة ديال الناس لي باغي يقتلهم منهم سياسين وموظفين عموميّين وأمنيين .
