الرئيسية > آش واقع > بوعياش فالسمارة على ود الإستشارات مع الأطفال ولكن شكون غادي يحل ضواسا بحال مجهولي المصير وذوي الحقوق؟
23/02/2024 22:30 آش واقع

بوعياش فالسمارة على ود الإستشارات مع الأطفال ولكن شكون غادي يحل ضواسا بحال مجهولي المصير وذوي الحقوق؟

بوعياش فالسمارة على ود الإستشارات مع الأطفال ولكن شكون غادي يحل ضواسا بحال مجهولي المصير وذوي الحقوق؟

الوالي الزاز -كود- العيون///
[email protected]

وصلات رئيسة المجلس الوطني لحقوق الإنسان، أمينة بوغياش للعيون فإطار زيارة غادي تمشي من بعدها لمدينة السمارة على ود هاديك الإستشارات الجهوية ديال الأطفال، نهار الأحد.

هاد الإستشارات مع الأطفال كان طلقها المجلس الوطني لحقوق الإنسان ودارها فمختلف جهات المملكة تخت عنوان “انا من يقرر مصيري” ووصلات دابا مرحلتها لجهة العيون الساقية الحمراء، وكتجي تفعيلا لمبدأ المشاركة المنصوص عليه في اتفاقية حقوق الطفل، وهدفها هو إستشارة أطفال المملكة المغربية والإستماع ليهم بخصوص حقوقهم وتعزيزها، وتمكينهم حتى هوما  من الحق فإبداء الرأي بحرية والمشاركة بفعالية فالمنظونة الحقوقية المغربية.

هادشي مزيان وكيعزز صورة المملكة المغرب وكيوضح قيمة الورش الخقوقي المفتوح واللي كيشمل گاع شرائح المجتمع ومن الجنسين، ولكن بالنسبة لمدينة السمارة بالخصوص فراه كاينة كوارث حقوقية ما زال ما تحلاتش وماقدرش المجلس الوطني يحلها ويمكن تسبب فمشاكل لرئيسة المجلس الوطني لحقوق الإنسان خلال زيارتها لمدينة السمارة.

هاد الملفات تتعلق اساسا بملفات نحو 100 من ذوي الحقوق اللي خرج ليهم حكم التعويض من خلال الإدماج فسلك الوظيفة العمومية من هيئة الإنصاف والمصالحة وشاخو وعياو كيتسناو تنفيذ هاد الأحكام وما كاين تا إجابة من المجلس الوطني لحقوق الإنسان ولا حتى اللجنة الجهوية لحقوق الإنسان العيون الساقية الحمراء اللي عاطياها للنعاس وتقرقيب الناب فالقهاوي، فوقت المغرب محتاجها فهاد الظرفية وحنا عندنا رئاسة مجلس حقوق الإنسان التابع للأمم المتحدة، وما خاصناش تفوت علينا فرصة مزيانة للترويج لوضعية حقوق الإنسان بصورة مزيانة تزامنا والأنظار اللي موجهة لينا من العالم كلو.

ومن بين الضواسا اللي كتساين الناس ديال المجلس الوطني لحقوق الإنسان تجاوب عليهم كاين الضوسي ديال المختفين ومجهولي المصير اللي كيطالبو بشواهد الوفاة ديال ذويهم ويعرفو فين تم دفنهم على الأقل غير باش يمشيو يزوروهم ويودعوهم وهاد الألم ما غادي يحس بيه غير اللي فقد أب أو أم أو أخ أو أخت فزمن سنوات الرصاص.

موضوعات أخرى