الرئيسية > آراء > تسريب فيديو بوعشرين الجنسي. شوهة للجدارمية: كيفاش هاد الفيديوات كانو عند رجال الحموشي وما بانوش غير وصلو عند صحاب حرمو تنشرو
14/09/2018 08:56 آراء

تسريب فيديو بوعشرين الجنسي. شوهة للجدارمية: كيفاش هاد الفيديوات كانو عند رجال الحموشي وما بانوش غير وصلو عند صحاب حرمو تنشرو

تسريب فيديو بوعشرين الجنسي. شوهة للجدارمية: كيفاش هاد الفيديوات كانو عند رجال الحموشي وما بانوش غير وصلو عند صحاب حرمو تنشرو

كود هناء ابو علي /////

تسريب ونشر تقرير الجدارمية على قضية بوعشرين بعدما تعطلو فضيحة. فضيحة للجدارمية. فضيحة للدولة المغربية. نشرها وبثها فهاد الوقت ماشي مجاني طبعا. الثمن غادي يخلصو المغرب. قبل هاد الشي ضربة كبيرة لجهاز كان عندو هيبتو واحترامو اللي هو جهاز الجدارمية. ايام حسني بنسليمان يستحيل يوقع هاد التسريب.

تقرير الجدارمية على مدى صحة الفيديوهات اللي كيتبابع فيهم مدير نشر “اخبار اليوم” سابقا ومؤسسها تم تسريبه وسط الاسبوع. لحد الان النيابة العامة اللي كانت مصدعة لينا راسنا وخدات مواقف فبداية القضية ضد بوعشرين من خلال تصريحات الوكيل العام الصحافية لاستئنافية الدار البيضاء٬ لم تتحرك لحد الان. ما تگولوش لينا خاص العائلة تقدم شكاية بكل من سرب الفيديو. هاد التسريب خاص يكون فيه الصرامة.

هاد المسلسل ديال القضاء على بوعشرين مستمر. السؤال مافيهش غير فبركة الفيديوهات من عدمها بل شكون شراها. دابا ممكن نعرفو شكون خلصها وشراها وركبها. بعد هاد الشي كاينة معركة اخرى قضائية على الجنس بالرضى ولا اللا.

هاد الايام كاين نقاش على بعض المشتكيات. كل نهار تخرج شي حاجة عليهم. هاد الشي كيدفع فالتشكيك فيهم ولكن الطريقة حتى هي دنيئة. يعني اللي عندو شي تصفية حسابات مع شي حد يشوهو يوميا.

نرجعو للتسريب. الجدارمية متهمة فهاد الشي حقاش تقرير ديالهم. هاد الفيديوهات كانو قبل عند الامن ما تسرب منهم والو. كيفاش باش وصلو عند رجال حرمو خرجو.

صحاب الحموشي بينو مهنيتهم. احترامهم للمساطر. قبل كانت التسريبات كتكون من البوليس. اليوم تقلبات الاية. الجدارمية ولى هو اللي كيوقعو فيه هاد التسريبات. وهادي مشكلة كبيرة ليه ولصورة الجهاز اللي كيسيرو. باش جا بغى يبين باللي خدام وكيبدل ووو وفاول امتحان شوه

موضوعات أخرى