كود العيون //
خلال مراسيم تنصيب الوالي الجديد ديال العيون صباح اليوم بقصر المؤتمرات، عاينت “گود” تدفق عدد من المواطنين صحاب “التصفاگ”، لي عيطلهم مدير ديوان الوالي السابق “بوشعاب يحظيه”.
وبدات علامات الخوف فوجه بوشعاب لي كان خايف على راسو، بعدما تحيدولو بزاف ديال الدواصا كان خدام عليهم بالعيون، لمصلاحتو ولمصلحة المقربين منو، ومنهم شيخ قبيلتو لي كان شاد بيرو حداه فمقر الولاية.
وخلال ذكر وزير الداخلية عبد الوافي لفتيت لإسم “بوشعاب يحظيه”، كانو “الصفاگة” بزاف لي معيطلهم مدير ديوانو السابق وشيخ القبيلة لي كينتمي لها “بوشعاب يحظيه”، وباينة بأنهم من المستفدين من الكرطيات لي تحيدو للدراوش بعاصمة الصحرا.
دابا نشوفو واش الوالي الجديد، غادي يحبس هاد الصلاحيات لي كانت عند ولد عم بوشعاب، ولي كيف ماكيعرف الجميع كان داير مابغى فالولاية ومهمش حتى الديوان الفعلي، والشيوخ القبائل الصحراوية، ومهمش الأعيان..
