ݣود-صفرو//

فريق Pause Flow نفى داكشي لي تروّج بخصوص حصول الرابور على السراح المؤقّت، ووفق المعلومات لي جاو من التواصل مع الفنان، ومع عائلتو ومحاميه، أكدو بلي الخبر ماشي صحيح، وبلي المعني بالأمر مازال معتاقل وما تخلّصات حتى كفالة.

انتشار هاد الخبر خلق نقاش كبير، خصوصًا فنهار لي عرف اكتظاظ فالمحكمة وحضور جماهيري وإعلامي مهم.

الفريق كيأكّد بلي أي جديد رسمي فالقضية غادي يتنشر حصريًا فصفحتهم، مع التزام بنقل المعطيات كما هي.