الرئيسية > آراء > بوريطة كيكرّه لعيالات فدولة رئيسها كيحتارمهم. كيفاش محمد السادس كيكرمهم ووزير الخارجية بحقارة كيجري على اللي فيها حس حقوقي كيف دار مع الهبطي مديرة الديبلوماسية العامة…
16/01/2020 09:00 آراء

بوريطة كيكرّه لعيالات فدولة رئيسها كيحتارمهم. كيفاش محمد السادس كيكرمهم ووزير الخارجية بحقارة كيجري على اللي فيها حس حقوقي كيف دار مع الهبطي مديرة الديبلوماسية العامة…

بوريطة كيكرّه لعيالات فدولة رئيسها كيحتارمهم. كيفاش محمد السادس كيكرمهم ووزير الخارجية بحقارة كيجري على اللي فيها حس حقوقي كيف دار مع الهبطي مديرة الديبلوماسية العامة…

كود هناء ابو علي ////

ناصر بوريطة وزير الخارجية والتعاون كيهره لمرا. بل كينتاقم منها. هاد الديبلوماسي اللي معروف عليه كيحفظ ضواصاه وكيحرك ديبلوماسيا عندو مشكلة من نهار دخل للخارجية مع النساء. قصتو مع زوجتو الاولى معروفة عند ناس الخارجية. دابا البارح بدون مقدمات بدون سابق انذار بدون خطأ مهني قرر يتخلص من شفيقة الهبطي، مديرة الدبلوماسية العامة و العلاقات مع الفاعلين غير الحكوميين واعلن فتح باب الترشيح لشغل هاد المنصب من 15 يناير الى 28 منه. طبعا اللي كيعرف ناصر بوريطة كيعرف انو غير كيضحك على لمغاربة. هاد المنصب اكيد واعد بيه شي حد من معارفو او من معارف سيادو.

الاعفاء كان صادم وتم بطريقة حقيرة بزاف. اللي عرفاتو “كود” ان شفيقة الهبطي كانت اصيبت بوعكة صحية قبل ايام فقط نتيجة الضغط الكبير للعمل. الطبيب امرها ماشي غير عطاها. بل امرها تريح مزيان. جا فهاد الوقت ناض السي بوريطة وخرج هاد الاعلان وتم اعفاءها بطريقة اقل ما يقال عنها انها حقيرة.

علاش بوريطة عندو مشكلة مع لعيالات الگادات والمدافعات عن حقوق المرأة بحال كيف كانت شفيقة؟ لان عقليتو عقلية متخلفة. هو اكثر من الاسلاميين. دابا رئيس الدولة الملك محمد السادس كيدافع على المرأة وداير المناصفة وامور كثيرة لصالح المغربيات ووزير خارجيتو عندو موقف ضد هاد الشي. راه تابع ليه مباشرة وما عند هاداك بنعرفة سلطة عليه. الدستور كيخول لرئيس الدولة صلاحيات السياسة الخارجية للبلاد.

بوريطة عزيز عليه نوعية من النساء. هاديك اللي دخلها فزيارة فبروكسيل بلا ما يكون عندها اصلا صفة. حاول يدخلها للخارجية باش تفرش وما قدرش. ولا هاديك لفضيحة اخرى اللي اللي وقعات فالامم المتحدة فاجتماعها السنوي بنويويورك. كانت سيدة معاه ما عندها علاقة بالخارجية ولا بالوفد المغربي وعندها بادج.

بوريطة النهار الاول كان ضد منح النساء مناصب فالخارجية. كيلقى السبة باش يحاربهم. دابا ايلى كيف قال هاد الوزير المعقد من لعيالات باللي شفيقة الهبطي اللي كانت مكلفة بالتواصل عندها صفة تعادل ناطق رسمي٬ دارت خطأ مهني كيف كيروج بوقاحة٬ ويحيد الفرقة كلها اللي خدامة معاها. كيفاش عفاها غير هي.

بوريطة فيه نوع من الانتقام والحقد. السيد غير مشى مع ولي العهد لباريس فوفاة شيراك وطلع ليه الجوك ومن بعد ولى انا وحدي مضوي لبلاد. كيعتاقد ان البهرجة كافية تخليه وزير خارجية ناجح. التاريخ غادي يحتافظ ليه بوزير معقد من لعيالات. استغلهم باش يتسلق اول مرة فالخارجية وباش سالى منهم لاحهم ولكن بقى ديما معقد.

هاد الاعفاء غادي يخلص عليه. حقاش تم بوضاحة. حقاش تم بطريقة تهين المرأة. باش تعرفو وضاعتو شوفو البيان اللي خرجو على صلاج الدين مزوار باش تكلم على الجزائر. كان فرصة انتاقم من مزوار اللي كان رئيسو السابق.

بوريطة كيحس براسو محصن بزاف. كيدخل سفيرات ما عندهم حتى شي اضافة الى ترضية لجهات كيعرفها. دابا ولى كيتصرف بحال ايلى تاع باه هاد الوزارة. البارح فالليل واليوم فالصباح لكلام اللي فالخارجية كيهدر علي هاد الوقاحة. وقاحة وزير استغل وعكة صحية لاحدى احسن اطر الوزارة باش يحيدها. باش نعرفو شكون غادي يجي فبلاصتها غاديين نفهمو جزء من الفيلم.

موضوعات أخرى

01/06/2020 00:00

من بعد ما القطاع الثقافي كلا الدق مزيان مع “كورونا”.. فدرالية الصناعات الثقافية: خاص يتعفاو الشركات الإبداعية من آداء الضرائب ويدار صندوق ينقذهم من البطالة

31/05/2020 21:00

بعد تدوينتها على الرسول… بوشكيوة: ماندماش ومانعتذرش حيت اللي قلتو موجود فكتب الفقه وما فيها حتى شي إساءة.. وماغانتابعش اللي هاجموني حيت هم ضحايا تفكير إرهابي متطرف قريب يزول