الرئيسية > آش واقع > بوريطة كاره لعيالات بان عيان. بسبابو مؤتمر برلين حول ليبيا ما داوهاش فالمغرب ووزارتو كتستغرب لاقصاءنا
18/01/2020 17:30 آش واقع

بوريطة كاره لعيالات بان عيان. بسبابو مؤتمر برلين حول ليبيا ما داوهاش فالمغرب ووزارتو كتستغرب لاقصاءنا

بوريطة كاره لعيالات بان عيان. بسبابو مؤتمر برلين حول ليبيا ما داوهاش فالمغرب ووزارتو كتستغرب لاقصاءنا

كود احمد الطيب ///

وزير الخارجية والتعاون ناصر بوريطة عاد ضرباتو الفيقة. مؤتمر برلين حول ليبيا غادية يبدا غدا 19 يناير وهو يالله خرج ودار بيان قال فيه “المملكة المغربية تعبر عن استغرابها العميق لإقصائها من المؤتمر”. اييه ماديها فمحاربة الاطر الكفءة عندك فالوزارة وجايب فبلاصتهم ناس عيانين كيف درتي مع مديرية التواصل وما كانش فخبارك الدول اللي معروضة للمؤتمر راها معروفة هادي مدة. علاش ما تحركتي ما درتي والو.

وزيرنا ملهي فامور تافهة. كيفاش اليوم عاد كاتب “المملكة المغربية كانت دائما في طليعة الجهود الدولية الرامية إلى تسوية الأزمة الليبية” وان الرباط اطلعت “بدور حاسم في إبرام اتفاقات الصخيرات، والتي تشكل حتى الآن الإطار السياسي الوحيد -الذي يحظى بدعم مجلس الأمن وقبول جميع الفرقاء الليبيين- من أجل تسوية الأزمة في هذا البلد المغاربي الشقيق”.

دابا عاد فقتي وما فهمتيش “المعايير ولا الدوافع التي أملت اختيار البلدان المشاركة في هذا الاجتماع”.

عرفتي علاش. حقاش الخارجية على راسها واحد بحالك. ثم اش داك انت تسب المانيا وتقول عليها “لا يمكن للبلد المضيف لهذا المؤتمر، البعيد عن المنطقة وعن تشعبات الأزمة الليبية، تحويله إلى أداة للدفع بمصالحه الوطنية”.

بقى ليك غير ميركل.

موضوعات أخرى

22/02/2020 20:30

المحمدية من مدينة ديال الورد لمدينة تحتل شوارعها الكلاب.. السلطات باغيين حل وخايفين يتكرر سيناريو الكلاب المسعورة ديال الحسيمة وانزكان وكلميم