الرئيسية > آش واقع > بوريطة بين مرة اخرى احتقارو لناس الصحرا وراه كيدعم الانفصال بهاد القرارات. احتجاجات قدام قنصليتنا فلاس بالماس على استثناء العيون من الرحلات وراه طلع وزير الخارجية مستثني الجزر كلهم
10/07/2020 18:15 آش واقع

بوريطة بين مرة اخرى احتقارو لناس الصحرا وراه كيدعم الانفصال بهاد القرارات. احتجاجات قدام قنصليتنا فلاس بالماس على استثناء العيون من الرحلات وراه طلع وزير الخارجية مستثني الجزر كلهم

بوريطة بين مرة اخرى احتقارو لناس الصحرا وراه كيدعم الانفصال بهاد القرارات. احتجاجات قدام قنصليتنا فلاس بالماس على استثناء العيون من الرحلات وراه طلع وزير الخارجية مستثني الجزر كلهم

كود هناء ابو علي ///

ناصر بوريطة اللي ولى اول مرة وزير منتدب فالخارجية فتعيين بمدينة لعيون حالف حتى يبهدل ناس المنطقة. بعد اقصاؤو لجميع الصحراويين من تعيينات السفراء اللي وجدهم وتم الاعلان عليهم الاثنين اللي فات فالمجلس الوزاري٬ اكتاشفو ناس المنطقة باللي العيون ما داخلاش فهاد البرنامج اللي وجداتو الخارجية وغادية ديرو “لارام” و”العربية” لنقل عدد من المغاربة والمقيمين بالمغرب من دول الاقامة الى المملكة.

لعيون ما كايناش وحتى حزر الكناري اللي فيها جالية كبيرة من ناس الصحرا ما داخلاش فالمدن الاسبانية. دارو مدريد وبرشلونة ومالقة فقط لا غير.

اليوم قدام القنصلية المغربية فلاس بالماس كانت احتجاجات على هاد الاقصاء. الناس مساكن اعتاقدو ان رحلة غادية تكون من هاد الجزيرة لكازا. هادي حتى هي ما كايناش.

الناس طالبات برحلة للعيون من هاد الجزر.

كيفاش الخارجية كتصرف بهاد الطريقة. كانت 7 رحلات اسبوعية من الجزر للعيون ودابا ما دايرين حتى رحلة. هادي اهانة للمنطقة. هاد بوريطة راه كيدعم الانفصال بهاد القرارات ديالو

موضوعات أخرى