الرئيسية > الزين والحداكة > بورتري. كانت جدارمية ودوزات الفقر وتألقات ضد مارسيليا.. هذي الدولية سلمى أماني اللي التحقات بالمنتخب النسوي المغربي.. وصرحات: أنا فخورة بلبس التوني الوطني ونيفو اللاعبات المغربيات فاجأني
14/06/2021 07:00 الزين والحداكة

بورتري. كانت جدارمية ودوزات الفقر وتألقات ضد مارسيليا.. هذي الدولية سلمى أماني اللي التحقات بالمنتخب النسوي المغربي.. وصرحات: أنا فخورة بلبس التوني الوطني ونيفو اللاعبات المغربيات فاجأني

بورتري. كانت جدارمية ودوزات الفقر وتألقات ضد مارسيليا.. هذي الدولية سلمى أماني اللي التحقات بالمنتخب النسوي المغربي.. وصرحات: أنا فخورة بلبس التوني الوطني ونيفو اللاعبات المغربيات فاجأني

عفراء علوي محمدي- كود//

مباشرة بعد انضمامها للمنتخب المغربي النسوي، الدولية سلمى أماني دارت بصمة قوية فالماتش الودي مع المنتخب المالي النسوي، بهدف ساحر فالوقت بدل الضائع من الجولة الأولى، بعد هدفين سجلوه اللاعبات المغربيات، أيان روزيلا وإيمان سعود.

أماني (31 عام) لقات بلاصتها ضمن لبؤات الأطلس بمعية مجموعة من الدوليات اللي دخلو جدادات للتشكيلة الوطنية، فإطار مساعي الجامعة لضم المحترفات للمنتخب، باش يقدر يفرض راسو بقوة فكأس الأمم الإفريقية اللي غادي يتلعب قريب فالمغرب.

فخورة بحمل القميص الوطني

وهذي ماكانتش أول مرة تلتحق نجمة فريق ديجون الفرنسي بفريق وطني، بحيث كان سبق ليها حملات القميص الوطني ف14 يناير 2012، وعند سن 13 لعام، فماتش ضد المنتخب التونسي، واللي انتصر فيه المنتخب الوطني للصغيرات بجوج أهداف نظيفة.

فهذ الصدد، كتقول الدولية، فحوار حديث ليها مع “أكتي فوت”، أنها كانت فخورة بزاف بحمل ألوان بلدها الاصلي للمرة الأولى، وكانت فرحتها كبيرة فاش لعبات قدام عائلتها اللي عايشة فالمغرب.

http://www.actufoot.com/75/salma-amani-dijon-fco-gendarme-cetait-vocation/

وفهذ الفترة، كان سبق لأماني نوهات بمستوى اللاعبات المغربيات، وقالت فمقابلة مع جريدة “ليبيراسيون” المغربية: “ماكنتش كنتوقع يكونو اللاعبات المغربيات بهذ المستوى، وماظنيتش غيكون عندنا لاعبات كثارات، كنت متفاجأة، صحيح النيفو باقي طايح بالمقارنة مع الفرق الأوروبية، لكن كنتمنى الفريق الوطني النسوي يفرض راسو مستقبلا”.

https://m.libe.ma/Entretien-avec-Salma-Amani-joueuse-du-Onze-national-feminin-J-ai-ete-agreablement-surprise-par-le-niveau-des-joueuses_a25886.html

وهذ المرة، المدرب الجديد للمنتخب النسوي رينالد بيدروس حط ثيقتو فأماني، لتشكيلة وطنية مكونة من 23 لاعبة، وماخابش فاختيار لاعبة وسط الميدان فDijon، اللي عندها من المهارة والخبرة الشيء الكثير.

ظروف الفقر صنعات نجمة قوية

أماني هي مغربية من مواليد 1989، اضرات تسافر فسن صغيرة لفرنسا، وعاشت وواجهات ظروف الفقر والعوز، لكن هذا مامنعهاش من التألق فمداعبة الساحرة المستديرة، اللي صبحات شغوفة بها بدعم أخيها التوأم سلام، اللي كان ديما فجنبها.

بعدات سلمى مع خوها سلام على واليديها فالمغرب، ومشات تعيش فشمال فرنسا مع جدها وجداتها، اللي رباوها هي وخوها، لكن فالمقابل، كانو كيعيشو الفقر الحقيقي، بحيث جدودها ماقدروش حتى يشريو ليها هي وخوها سبادري ديال كورا، كتقول فتصريح ل”Ouest F rance” على هذشي: “ماعمرهم فكرو يشريو لينا سبرديلات (كتقولها وهي كتضحك)، مازال كنعقل أن رئيس النادي اللي كنا كنلعبو فيه حل لينا بيبان واحد الصالة كبيرة فين مخزن عشرات السبرديلات، كانت بالنسبة لينا بحال مخزن علي بابا حقيقي… وهكذا قدرنا نلعبو”.

https://www.ouest-france.fr/bretagne/guingamp-22200/ea-guingamp-salma-une-footballeuse-bien-dans-ses-crampons-4841292

من 4 سنين، لعبات أماني فSC Brest 2 مع خوها ففريق الأولاد، قبل ما تنتقل لAS Brestoise، ثم FC Lorient، وبعدو ف2003 لعبات فالفريق الفرنسي النسوي أقل من 17 لسنة، وف2005 التحقات بCNFE Clairefontaine، ثم لعبات فGuingamp من 2011 حتى ل2019، باش ترسو سفينتها أخيرا فميناء نادي Dijon اللي تعاقدات معاه ف2020.

بثلاثية فشباك مارسيليا صنعات الحدث

تنقل أماني من الأندية الفرنسية الصغيرة للكبيرة، ولعبها فالفريق الوطني للصغيرات، وخوضها لمباريات مع اندية وفرق من دول أخرى، خلاها تكتسب خبرة وتحظى بالنجومية، ومحطة 2016 مع نادي Guingamp كانت مهمة فحياتها، فاش زعزعات شباك Olympique de Marseille بثلاثية نظيفة، من أصل 4 أهداف نظيفة تماركات ضد النادي، وصبحات هكذا حديث الصحافة ونجمة من نجمات الكرة النسائية الشهيرات.

كتقول ماني على هذ الماتش، فمقابلة ليها مع “كور دو فوت” انه كان متميز بزاف، لانه تلعب فملعب Roudourou اللي مجهز مزيان من جهة، ومن جهة اخرى حيت حضرو 8000 متفرج، “كانو بزاف ديال الناس كينتظرو هذ الماتش، ومزيان منين ماخيبناش ظنهم فينا… كان ماتش زوين وامسية استثنائية… هذي بقات لحظة نادرة بالنسبة لينا كفريق”.

https://www.coeursdefoot.fr/event/salma-amani-guingamp-suis-electron-libre/

جدارمية وكَادة

بالإضافة لشغفها بالكورا، اماني كانت مهتمة بالجانب الدراسي والمهني، بحيث كانت شدات البكالوريا، والتحقات بصفوف الجدارمية، ففصيل PSIG للمراقبة والتدخل التابعة لقوات الدرك فبلدية سانت بريوك الفرنسية، وبقات فهذ الخدمة من 2011 حتى ل2016.

هذ الخدمة مكنات أماني من الانضمام للفريق العسركي الفرنسي، وكانت شاركات فالألعاب العسكرية العالمية صيف 2011.

وواخا كيتات الجوندارموري، اماني مازال موحشة هذ الميدان، اللي عندها فيه صحاب كثار، كتقول فحوارها مع “اكتي فوت”: “كنفتقد هذ المهنة بزاف، وموحشى الزملاء القدام اللي تعلمت منهم بزاف، وعنصر الأدرينالين اللي كنت كنحصل عليه وانا كنقوم به المهمة كذلك، ولكن كان عليا ضروري نختار.

http://www.actufoot.com/75/salma-amani-dijon-fco-gendarme-cetait-vocation/

موضوعات أخرى