كود سبور//

نفى محمد بودريقة كل ما كيروج على أن لاعبين الرجاء الرياضي جات فيهم عروض باش يمشيو من الفريق الأخضر، ومن بينهم يوسف بلعمري اللي راج أنه عندو عرض من الأهلي المصري.

واستغرب محمد بودريقة رئيس الرجاء الرياضي خلال المرور ديالو مع dima dima raja الموقع المحسوب على النادي الاخضر، (استغرب) من هاد الأخبار اللي كتروج عن توصل الفريق بعروض فاللاعبين ديالو، ومن بينهم يوسف بلعمري والعرض اللي راجع أنه جاه من الأهلي المصري، ونفى هذا الشي.

وأكد محمد بودريقة أن هذا الشي ما كاينش وقال إن المكتب المديري غايخدم باش يحافظ على التركيبة البشرية ويدعمها بلاعبين آخرين، وأنه مازال أيضا لم يحسم فلائحة المغادرين، حتى يفوت فينال كأس العرش إذا تأهلو له باش يلعبوه.

وبخصوص المدرب جوزيف زينباور، أكد محمد بودريقة أنه كان وقع 2 مواسم مع الرجاء الرياضي، وأنهم ملتزمين معه، ولكن إذا جا وقالهم غانخلص لكم 3 أشهر ديال شرط فسخ العرض راه ما عندهم ما يديرو له، وأكد أنهم دايرين احتياط لهذا الشي، والرجا خلقت للألقاب وكتربح الألقاب بلا زينباور وهو واللاعبين خاصهم يعرفو هذا الشي.