كود سبور//

سالاو الرجاء الرياضي برئاسة محمد بوديقة مع فيلم الگابوني أكسيل مايي اللاعب السابق للفريق، اللي كان جابو عزيز البدراوي الرئيس السابق للنادي، بعدما كان باغي مليار سنتيم تقريبا.

وربحو الرجاء الرياضي بشكل نهائي النزاع ديالهم مع الگابوني أكسيل مايي عند الاتحاد الدولي لكرة القدم، حيث سالات مهلة الاستئناف، وغاياخد غير 80 مليون سنتيم وهو المبلغ اللي تحكم له ياخدو.

وكان أكسيل مايي داعي الرجاء الرياضي وكايطالب بمبلغ 900 مليون سنتيم، مع العلم أن اللاعب كايتعتبر من أفشل الصفقات ديال الفريق خلال السنوات الماضية، وكان سنا معه عزيز البدراوي وجابو من اتحاد طنجة.