كود الرباط//

كشف محمد بودريقة، النائب عن حزب التجمع الوطني للأحرار، عن تأخر في توفير السكن لأزيد من 1000 أسرة خصوصا في ظل وجود 3000 قرار ديال الهدم بالنسبة 4000 مبنى مهدد بالسقوط هادي أكثر من سنتين وذلك بمقاطعة مرس السلطان.
وقال بودريقة، اليوم خلال جلسة عمومية مخصصة للأسئلة للشفوية، بأن هناك تأخر كبير بخصوص إنجاز السكن لأزيد من ألف أسرة، مشيرة إلى مسألة كثرة المتدخلين في معالجة ملف المنازل الآيلة للسقوط.

وفي رده، قال الوزير المهدي بنسعيد نيابة عن الوزير المكلف بقطاع التعمير، :”هناك اتفاقيات مزال متفعلاتش بشهادة الوزارة، ودبا كنشتغلو باش نفذو الاتفاقيات ونراجعو بعضها ونفكو مشاكل المواطنين”.

كلام بودريقة جا فسياق هاد الوكالات الجهوية لي دارت المنصوري واللي ضمنها وكالة جهوية غاتكلف بجهة كازا سطات، علما أن بودريقة رئيس مقاطعة مرس السلطان وكذلك هو طاشرون كيعرف الجمود اللي خالقو مدير الوكالة الحضرية بكازا لي موقفة كولشي وبلوكات المشاريع.

لحد الساعة مقدراتش الوزيرة المنصوري، تحل مشكل البلوكاج فالعقار لي فكازا واللي من اسبابو الرئيسي الوكالة الحضرية فكازا لي تابعا للداخلية (استثناء فالمغرب) واخا كان اجتماع بحضور الملك وتقرر ان جميع الوكالات يتبعو للتعمير. الاستثناء المغربي وصافي