كود سبور//

كيزيد يتبين أن الدولي المغربي زكرياء بوخلال لاعب تولوز الفرنسي، سالا له الموسم بعدما تعرض لإصابة خطيرة، الخميس الماضي، فالماتش اللي جمع بين الفريق الفرنسي ورويال يونيون البلجيكي.

وكشف الإسباني كارلوس كارتينيز مدرب تولوز الفرنسي فتصريح جديد له، أن زكرياء بوخلال عندو إصابة خايبة وصعيبة، وبلي غيدير عملية جراحية هاد السيمانة، بدون ما يحدد شحال تقريبا غيغيب النجم المغربي على التيرانات.

كل المؤشرات كتقول أن النجم المغربي زكرياء بوخلال ما غيكونش مع المنتخب المغربي فكاس إفريقيا المقبلة بكوت ديفوار فشهر يناير 2024، حيث قبل من تصريح المدرب ديال تولوز، كان النادي الفرنسي خرج ببلاغ الجمعة الماضي، علن أن بوخلال ما غيلعبش لأشهر بسبب الإصابة اللي عندو وأنه مازال غيدير فحوصات جديدة.