كود سبور//

غيرجع الدولي المغربي زكريا بوخلال يلعب مع الفريق ديالو تولوز الفرنسي، وهاد الشي بعد أشهر من الغياب بسبب إصابة خطيرة حرمات عليه يشارك فكأس إفريقيا مع المغرب.

وغيكون زكريا بوخلال حاضر مع الفريق ديالو تولوز فالماتش الجاي ضد أولمبيك ليون هاد الويكاند ضمن منافسات البطولة الفرنسية، وراه كونفوكاه الفريق لهاد المباراة بعدما برا ورجع للتداريب هادي شهر تقريبا.

وكان زكرياء بوخلال دار عملية على الركبة ديالو فشهر سبتمبر 2023 بسبب إصابة تعرض لها فماتش ديال الفريق، ومن تما ما لعب شي مباراة.