وكالات //

أمريكا كتعيش أكبر تفشي ديال مرض بوحمرون فالعشر سنين اللي فاتو، وعدد الإصابات غادي فالإرتفاع فولايتي تكساس ونيو مكسيكو.

الإدارات ديال الصحة فهاد الولايتين قالت إن الحالات وصلات لـ370، وزادت 19 حالة فالأيام الأربعة اللي فاتو، وهاد الشي كيخلي الناس يخافو من سرعة انتشار المرض.

ووفقا لما قالت إدارة خدمات الصحة فولاية تكساس، الحالات فمقاطعة “جينز” لي هي مركز التفشي دابا، وصلات لـ226 بعد ما كانت 211 غير قبل أيام قليلة.

بداية هاد الموجة كانت فآخر يناير الماضي، ومن تما تحولات المقاطعة لبؤرة ديال المرض فالدولة.

وفقا للبيانات ديال المراكز الأمريكية للسيطرة على الأمراض والوقاية منها (CDC)، الحالات فهاد الولايتين وحدهم فاقت مجموع الإصابات اللي تسجلو فمجموع الولايات المتحدة العام اللي فات، واللي كانت 285 حالة فقط.