وكالات//

رد الممثل الميريكاني المشهور بن أفليك ومراتو المغنية المعروفة جينيفر لوبيز على الشائعات لي كانت كتقول أنهم غادي يتفارقو، بواحد التصويرة الجديدة.

التصويرة بانو فيها خارجين من قاعة Aero في برينتوود، بعدما شافو واحد الفيلم في السينما، وبانو ضاحكين ناشطين.

وكانت خرجات بزاف ديال الخبارات لي كتقول أن بن أفليك مامرتاحش للطريقة لي كتعيش بيها جينيفر لوبيز، وهو شي لي هدد العلاقة ديال الحب ديالهم لي بدات هادي عامين.

وكتقول التقارير أن جينيفر لوبيز عزيز عليها الأضواء والشهرة وتبان في وسائل الإعلام، بينما بن أفليك معروف أنه عزيز عليه يبقى ديما في الظل.