كود سبور//

أكد أمين بنهاشم مدرب نهضة الزمامرة أن الفريق ديالو قدر يحد من الخطورة الهجومية ديال لاعبين الوداد الرياضي، وكن كانت عندو إمكانيات هجومية أفضل كان يقدر يوصل لمرمى الفريق الأحمر، فالماتش اللي سالا بالتعادل السلبي بين الفريقين اليوم الاثنين برسم الجولة 15 من البطولة.

وقال أمين بنهاشم فتصريح له بعد المباراة: “الماتش كان صعيب ضد فريق اللي فالدورات الأخيرة حقق نتائج إيجابية ولقى الأسلوب ديالو وهذا الشي خلانا حتى حنا نعرفو كيفاش نتعاملو مع هذا الماتش”.

وكمل مدرب الزمامرة: “اليوم مشيت ديريكت لعب بالماركاج انديفيديال والرقابة لاعب للاعب، حيث شفنا المساحات اللي لقاو لاعبين الوداد فالماتشات الأخيرة، وبالتالي كان لازم نحدو من الخطورة ديالهم، ماياولا كلفنا به صلاح مصدق، وبونا عمار كلفنا به أجاكو، والزمراوي عطيناه وليد الصبار وحدينا من خطورة هذا الثلاثي، وفوسط التيران كلفنا إسحاق بموباريك، وبوشقاني مشى عند ساخي باش هاد الثنائي ما ياخدوش الكورة من عند المدافعين ويقدو يسحبو لنا المدافعين ديالنا”.

وبخصوص هجوم الزمامرة وضح بنهاشم: “المشكل اللي كان عندنا اليوم هو العمق والثلث الهجومي ما قدرناش نمشيو فيه حيث مفتاقدين لبحرو اللي مدة 4 أسابيع وهو ما عندوش تنافسية يالاه رجع من الإصابة ومع الأسف هو المهاجم الصريح اللي عندنا وما لقيناش حلول هجومية كثيرة”.