گود سبور- واشنطن//

مازال غايب أمين بنهاشم مدرب الوداد الرياضي على الفريق بسبب حادث السير اللي وقع له الاثنين فالعاصمة الميريكانية واشنطن.

وخلال الحصة التدريبية ديال الوداد الرياضي قبل الأخيرة استعدادا لمواجهة العين الإماراتي، غاب أمين بنهاشم عليها، بحال الاثنين، ومازال المساعدين ديالو عبد الصمد الوراد وابراهيم النقاش هما اللي مازالين كايترينيو باللاعبين.

ولاعبين الوداد الرياضي يوم الخميس الجاي ضد العين الإماراتي، وباغيين يربحو باش يكون خروجهم مشرف من مونديال الأندية بعدما تقصاو منو ملي خسرو 2 ماتشات متابعين مع مانشستر سيتي ويوفنتوس.