كود سبور- فيلادلفيا//

تأسف امين بنهاشم من جمهور الوداد الرياضي والمغاربة بعد خسارة الفريق مع مانشستر سيتي النگليزي، فأول جولة من كاس العالم للاندية فالميريكان.

https://www.facebook.com/share/v/1CDV6Jz9Gw/?mibextid=wwXIfr

وهضر امين بنهاشم بعد خسارة الوداد الرياضي مع مانشستر سيتي بنتيجة 2-0، وقال فتصريح له: “كانطالبو المسامحة من الوداديين والمغاربة بسبب الخسارة مع مان سيتي حيث كنا باغيين نفرحوهم”.

وكمل مدرب الوداد الرياضي، وقال: “لعبنا بشجاعة وكنا على الاقل نماركيو 2 اهداف فالشوط الاول وهما النيفو ديالهم كبير ما كايرحموش”.

https://www.facebook.com/share/v/19CkDdK7wd/?mibextid=wwXIfr

وبخصوص الماتشات الجايين ضد يوفنتوس والعين، قال بنهاشم: “واخا خسرنا مع مانشستر سيتي ولكن هذا الماتش اكد لنا بلي غانقدرو نافسو فهاد الگروب، وغانتفرجو فماتش العيش ويوفنتوس، وغاتكون عندنا حظوظ فالماتش ضد يوفنتوس”.