كود سبور- فيلادلفيا//
اكد أمين بنهاشم مدرب الوداد الرياضي الخبر اللي نشرو جورنال “گود” فوقت سابق على ان المهاجم السوري عمر السومة غايكون مع الوداد الرياضي ضد يوفنتوس الطالياني فماتش الجولة الثانية من كاس العالم للاندية غدا الاحد.
ووضح أمين بنهاشم فتصريح له على جاهزية المهاجم السوري، وقال: “عمر السومة كنا كنتسناوهم يكون معنا فالماتش الاول واخا اداريا ما كانش واجد ودابا ها هو معانا وغايكون معانا فهاد الماتش”.
وكان عمر السومة غاب الماتش الاول ضد مانشستر سيتي النگليزي حيث تعطلت عليه الفيزا، والوداد معولين عليه دابا ضد يوفنتوس الطالياني والعين الاماراتي باش يماركي لهم.
