گود سبور- واشنطن//

أكد أمين بنهاشم مدرب الوداد الرياضي، أنه ولى بخير وهاذ الشي بعدما دار كسيدا الاثنين الماضي فالعاصمة الميريكانية واشنطن، اللي كاين فيها مع الفريق الأحمر للمشاركة فمونديال الأندية.

وقال أمين بنهاشم فتدوينة على فيسبوك: “بغيت نتقدم بخالص الشكر لكل من سأل عني بعد حادث المرور اللي تعرضت له هنا فالولايات المتحدة، لقد أثرت رسائلكم واتصالاتكم فيا بزاف”.

ووضح بنهاشم بخصوص الحالة الصحية ديالو وقال: “كانحس بتحسن، وحالتي مستقرة، وكانحس براسي مدعوم، وكانشكر الجمهور وكل اللي كاين معيا هنا ودعمني ورد ليا البال”.

وكمل بنهاشم وقال: “خلاتني هذه التجربة نعرف شنو هي العائلة حيث ماشي شعار وصافي هي شي حاجة حقيقية وكاتحس بها نفسيا ودعم صادق”.