گود سبور//

غادي يبداو الوداد الرياضي يوجدو لماتش روتور ربع نهائي كأس الكونفيدرالية الإفريقية، بعدما رتاحو يوم واحد.

وحسب مصادر مطلعة، فالوداد الرياضي غايديرو حصة تدريبية اليوم الثلاثاء، تحت إشراف المدرب أمين بنهاشم اللي مازال فالبوسط ديالو وكايدير خدمتو، واخا الانتقادات اللي عليه بسبب مستوى الفريق والمطالب بالرحيل ديالو.

الوداد الرياضي غادي يبداو يوجدو لماتش الروتور ضد أولمبيك آسفي، اللي غادي يتلعب الاحد الجاي فستاد دونور، والأجواء وسط الگروب إيجابية ومن المنتظر تعرف صفوف الحمرا رجوع حكيم زياش بعد الشفاء من الإصابة اللي خلاتو يغيب على ماتش الذهاب، واللي سالا بنتيجة 1-1 بين الفريقين.