كود سبور- فيلادلفيا//

عبر أمين بنهاشم مدرب الوداد الرياضي على الاستياء ديالو بسبب الخسارة الكبيرة اللي خداها الفريق مع يوفنتوس الطالياني، اليوم الاحد فالجولة الثانية من كأس العالم للأندية، وقال إنه باغي يربح الماتش الجاي ضد العين على قبل الجمهور.

وهضر أمين بنهاشم بعد خسارة الوداد الرياضي مع يوفنتوس بنتيجة 4-1، والإقصاء من مونديال الأندية، وقال: “كان عندنا هاجس نماركيو الهدف وماركينا ومقلقل حيث كان خاصنا نربحو وواعدت الجماهير الودادية بالتأهل وتحقيق نتيجة إيجابية وما كرهناش”.

ووضح بنهاشم أسباب الخسارة وقال: “لبلان ديال اللعب اللي تحط ما تطبقش كيفما كنا باغيين يتطبق، ولكن ما نلومش اللاعبين حيث ما كانش عندنا الوقت كافي باش نوجدو، وفقدو التركيز وهذاك التركيز خلصناه كاش”.

وكمل بنهاشم وقال: “آخر حاجة كنت كانتوقعها هي نخسرو فمابالك نخسرو بهاد الحصة، ولكن كيف قلت لبلان ديال اللعب اللي تحط ما تطبقش وما نلومش اللاعبين حيث ما كانش الوقت”.