كود الرباط//

قال شكيب بنموسى، وزير التربية والتعليم الأولي والرياضة، بأن 7 جامعات ملكية لعدد من الرياضية لا تشتغل نهائيا، يعني جامعات وهمية.

وأوضح بنموسى، اليوم فلجنة التعليم والثقافة والاتصال بمجلس النواب، بأنه “ميمكنش نتدخلو ف شكون غاتصوت عليه فالجامعات”، مضيفا :” مكاين حتى شي جامعة كتوصل بدعم يلا مكانتش كادير جموع عامة، فهاد الولاية”.

وشدد بنموسى بلي فهاد الحكومة داير الحكامة، مضيفا :”قناعة ديالي خص يكون صرامة ف التنزيل، والتدرج. وميمكنش نديرو عالم رياضي مثالي وميمكنش نجيبو قوانين من سويسرا ونطبقوها فالمغرب”.

وتابع المتحدث :”حرصنا بأن القانون يطبق، القانون يقول ولايتين من غير جوج ولايات باستثناء يلا كان فشي عضوية الاتحاد الدولي ومنفعة دبلوماسية. 4 سنوات فكل ولاية ويتم الانتخاب”.

وشدد بنموسى بالقول :”هناك حامعات كاع مخدامة، 7 ولا 8 جامعات لا تشتغل. فيهم مشاكل وحنا خدامين  ونشتغل لتحسين المردودية، منذ بداية الحكومة من خلال مراجعة النظام الأساسي للجامعات”.

وأكد بنموسى بأن وضعية الجامعات الملكية تغير اليوم، حيث بدينا نجتمعو (اجتماعين كل سنة) والغلاف المالي كيتعطا على أساس لجنة تقنية وفق معايير”.

وقال بنموسى  :”خصنا نكونو واعيين بلي عدد كبير من الجامعات معندهمش مراكز تدريب خاص بهم، باستثناء كرة القدم لي عندهم مراكز، وعدد من الجامعات كيقلبو فين يديرو التدريب. وجامعات معندهاش مدير تقني،  والدعم المالي لي كتوصل به الجامعات ضئيل ونسبة كبيرة كتمشي للصالير ، جوج مليون درهم فالسنة”.