كود الرباط//

أكد شكيب بنموىسى وزير التربية الوطنية والتعليم الأولي والرياضة، مجددا بلي الأساتذة الموقوفين، تم توقيفهم بسباب السلوكات غير القانونية للي كيديرو، وماشي بسبب الإضرابات.

وشدد بنموسى، اليوم الثلاثاء، بمجلس المستشارين، هاد الأساتذة للي تم توقيفهم دارو سلوكات مسات بحرمة المؤسسات وحق التلاميذ في التمدرس.

وأكد المسؤول الحكومي، بلي قرار التوقيف جاء بناءا على لقاءات كثيرة دارتها لجان جهوية خدات هاد القرارات اللي الهدف منها الدفاع على حقوق رجال ونساء التعليم وحقوق التلاميذ.

وكشف المتحدث بلي عدد من الموقوفين رجعو للخدمة وخداو الصالير، في حين جزء آخر من الموقوفين فايتين 100 أستاذ تمت إحالتهم على المجالس التأديبية.

الوزير دار إشارة اليوم بلي مباغيش يدخل القطاع فحالة احتقان جديد، مما يعني أنه قريب يطوي هاد المشكل ديال الموقوفين.