گود سبور- الرباط//

عبر رشيد بنمحمود المدرب المساعد ديال الناخب الوطني وليد الركراكي على التفاؤل بخصوص قرعة كأس أفريقيا “المغرب 2025″، وأكد أنهم غايديرو جهدهم باش يكونو عند حسن ظن المغاربة ملكا وشعبا.

وقال رشيد بنمحمود في تصريح لـ”گود”، بعد سحب القرعة: “الدور الأول فيه شويا ديال الضغط ولكن كانعرفو نتعاملو معه، كأس إفريقيا فالدار عندنا فبلادنا وحنا متعطشون لهذا اللقب ومتعطشين نشوفوه فبلادنا وقدام جمهورنا وغانكونو عند حسن الظن ديال الملك والشعب ديالنا”.

وأسفرت قرعة كاس إفريقيا “المغرب2025” عن تواجد المنتخب المغربي مستضيف البطولة في المجموعة الأولى، إلى جانب منتخبات مالي، وزامبيا، وجزر القمر.

https://www.facebook.com/share/r/1ApZoDy7Qj/?mibextid=wwXIfr