كود الرباط//
أمانة حزب العدالة والتنمية دايرين حروب وهمية وإيديولوجية ضد وزير العدل، حيث باغينو يسكت وميهضرش على مدونة الأسرة، ولأن مقترحات تعديل مدونة الأسرة بيد الملك ومخصوش يهضر.
البي جي دي فكل بيان كيجبدو وهبي، لللي اصبح عقدة ديالهم، شوفو غير كيفاش هاد الحزب لللي كيدعي محاربة الفساد والتخليق ومناهضة الاختلالات، عمرو هضر مثلا على صفقات وزارة بنسعيد، عمرو هضر على فشل برنامج دعم السكن. ااييه هاد الحزب شغلو الشاغل وزير العدل.
إذن هاد الحزب كيأكد بلي ماشي حزب كيهتم بالسياسات العمومية، بقدر اهتمامو بالإيديولوجية والإسلام السياسي، فينما كان شي نقاش كيحرر العقول وينتصر للفكر والنقد ضد الرجعية، كينوضو.
من حق وهبي يتكلم فموضوع كيهمو، مدونة الأسرة أو غيرها، تشريع من اختصاص وزارة العدل، ولأن الموضوع مجتمعي وكبير كان فيه تشاور. كان فيه نقاش، وفيه كذلك لمسة سيدنا، للي ديما كينتصر للحق والقانون وكيكون الحكم بين التيارات المختلفة.
بيان البي جي دي فيه :”تستنكر الأمانة العامة خرجات وزير العدل المتهورة والتي كان آخرها عبر الإعلام العمومي، لمحاولة التأثير على مخرجات إصلاح مدونة الأسرة، في تجاوز لواجب التحفظ وللمرحلة التي بلغها هذا الاصلاح المعروض على النظر السامي لجلالة الملك أمير المؤمنين، وذلك باعتباره ليس فقط عضوا في الحكومة ولكن عضوا أيضا في اللجنة الملكية التي كلفها جلالة الملك باقتراح إصلاح المدونة، وهي اللجنة التي سلمت مقترحاتها لرئيس الحكومة، الذي رفعها بدوره إلى النظر السامي لجلالة الملك أمير المؤمنين، وعرضها جلالته على المجلس العلمي الأعلى بالنظر لمرجعية وخصوصية هذه المدونة”.
دبا واش هذا بيان سياسي كيحترم المؤسسات؟ موحال.. وها علاش: واش إمارة المؤمنين غادي يأثر عليها تصريح وهبي، راه هاديك مؤسسة قائمة بالذات وعندها اختصاصاتها، وهضرة بيان البي جي دي باغي تصور لينا بلي هاد المؤسسة كيأثرو عليها تصريحات وزير العدل وهادشي مسيء لهاد الحزب أولا للي كيبين بلي باقي عندو قصور سياسي في فهم توازن السلطات.
من حق البي جي دي يهاجهم وهبي كخصم سياسي، ولكن بلا ما يقحم مؤسسة الملك أو إمارة المؤمنين في صراع سياسي أديولوجي. راه وهبي ميمكنش إلا ينتصر للقيم وللأفكار الحداثية، واش بغيتو وهبي يكون صوت الإسلام السياسي ميمكنش. وهبي هو نتاج انتخابات 2021، لي تنتخب فيه حزبو فالمرتبة الثانية، وطبعا كيمثل قيم وتصورات حزبو واللي هي تصورات حداثية.