الرئيسية > آش واقع > بنكيران لماء العينين: تحيدي الحجاب ولا ديريه ما سوق حد فيك راه ماشي شرط للانخراط فالحزب والترشح باسمو
10/01/2019 07:58 آش واقع

بنكيران لماء العينين: تحيدي الحجاب ولا ديريه ما سوق حد فيك راه ماشي شرط للانخراط فالحزب والترشح باسمو

بنكيران لماء العينين: تحيدي الحجاب ولا ديريه ما سوق حد فيك راه ماشي شرط للانخراط فالحزب والترشح باسمو

كود الرباط //

قدم عبد الاله بنكيران الامين العام السابق لحزب العدالة والتنمية نصائح لامنة ماء العينين برلمانية الحزب عن دائرة الحي الحسني بكازا. هاد النصائح نشراتهم فتدوينة على صفحتها على الفايسبوك.

واوضحت انها بعد زيارتها له البارح الاربعاء اخبرها كون استاشرتيني النهار الاول غادي نقول ليك “بغض النظر عن صحة الصور من عدمها، ولست أصلا في موقع مساءلة تجاهها،كنت سأشير عليك أن تقولي: إوا ومن بعد؟”.

واضاف “جاوبيهم بللي ايلى ختاريتي تحيدي الدرة فالخارج وديريها عنا هادا شغلي واللي مزوجني وما عجبوش يطلقني واللي كيتسالني شي حاجة ياخذها والى خرقت القانون نتحاكم والى خالفت شي حاجة من تعاقدي مع الحزب نتساءل، ومادام ارتداء “الفولار” أو خلعه لا يدخل ضمن هذا كله فتلك مسألة شخصية”.

واضاف بنكيران كما تنقل ماء العينين “أنا لو جاءتني ابنتي تقول لي:إني أفكر في خلع الحجاب فسأقول لها ذلك شأنك وحدك”. سبق ان صرحتُ مرارا أن الحجاب ليس شرطا للنساء للانخراط في الحزب أو النضال في صفوفه وقد بحثنا عن نساء بدون حجاب لترشيحهن في الحزب”.

ماء العينين انهت تدوينتها بجملة فيها قراءات كثيرة،. قالت بعد هاد الهجمة “أزداد قناعة بأن مسار النضال يجب أن يستمر بعزم وإرادة أكبر،داخل المغرب أو خارجه،بحجاب أو بدونه،بصفة وموقع أو بدونه لتحقيق الديمقراطية والحرية والعدالة والكرامة،وحقوق الانسان الفردية والجماعية”. واش غادية تحيد الدرة وواش غادية تخرج برا المغرب ولا غير اسئلة وصافي.

موضوعات أخرى