الرئيسية > آش واقع > بنكيران سالى مع السياسة المباشرة. ها لبلايص اللي ما عمر يرجع ليهم: البرلمان والوزارة
29/07/2021 09:30 آش واقع

بنكيران سالى مع السياسة المباشرة. ها لبلايص اللي ما عمر يرجع ليهم: البرلمان والوزارة

بنكيران سالى مع السياسة المباشرة. ها لبلايص اللي ما عمر يرجع ليهم: البرلمان والوزارة

كود هناء ابو علي ////

وفق مصادر من حزب العدالة والتنمية فان عبد الاله بنكيران لحد الان مازال ما ردش على الحزب بخصوص ترشيحهم ليه للانتخابات. هاد عدم الرد كيورط الامانة العامة بزاف. دابا ما قادراش تاخد قرار. كلهم متأكدين باللي بنكيران يستحيل يترشح ولكن ما يقدروش يقررو الا برفض منو.

طبعا هاد الامانة العامة ما كانتش كتسوق ليه قبل على هاد القبال غادية تبقى بلا جواب. الحزب لحد الان ما علنش على مرشحيه ف4 جهات كتمثل سكانيا 80 بالمائة من عدد سكان المغرب وشكلات فالسنوات الاخيرة قوة الحزب الضاربة وهي جهات الدار البيضاء الكبرى والرباط القنيطرة سلا وطنجة الحسيمة تطوان وفاس مكناس.

وفق مصادر “كود” فبنكيران ودع كاع اللي عندو علاقة بالسياسة المباشرة. هاد الشي عندو C’EST FINI . يعني ان عودتو للبرلمان او للاستوزار شي نهار ما بقاتش فراسو. ولات من الماضي.

بالاضافة لهاد الشي٬ ما يمكنش الامين العام الحالي براسو ما ترشحش للي مسؤول سياسيا وتنظيميا على وضع الحزب ويجي الامين العام السابق ويقبل ترشيحو.

موضوعات أخرى