احمد الطيب كود الرباط//

قال عبد الاله بنكيران، الأمين العام لحزب العدالة والتنمية، بلي الفقرة لي جات فبيان الأمانة العامة لحزبه يوم أمس، واللي فيه ربط الزلزال بالذنوب السياسية والمعاصي ديال المغاربة، كيتحمل مسؤوليتها بوحدو.

وبرأ بنكيران، أعضاء الأمانة العامة من ديك الفقرة اللي أثار الكثير من الجدل، خصوصا فالوقت اللي مزال الحزن يخيم على سكان جبال الحوز وتارودانت للي فقدو ولادهم وعائلتهم .

وقال بنكيران بلي كان غايدير بلاغ البارح يوضح فيه ويأكد بلي هو لي دار ديك الفقرة، مشددا بأنه مستعد للتوقيع على أي قرار خداتو الامانة العامة. دبا السؤال :”واش يقدرو يديرو قرار جماعي ويحطو الاستقالة ويمشيو للمؤتمر، ولا غايبقاو على نفس الخط ديال بنكيران؟.