الرئيسية > آراء > بنكيران تهلاو فيه هاد العام فعيد العرش. واش القصر رسل رسالة فيها “هاداك رئيس حكومة سابق ومن حقو يدير السياسة وانا ما دخلونيش فهاد الشبوق
03/08/2019 10:30 آراء

بنكيران تهلاو فيه هاد العام فعيد العرش. واش القصر رسل رسالة فيها “هاداك رئيس حكومة سابق ومن حقو يدير السياسة وانا ما دخلونيش فهاد الشبوق

بنكيران تهلاو فيه هاد العام فعيد العرش. واش القصر رسل رسالة فيها “هاداك رئيس حكومة سابق ومن حقو يدير السياسة وانا ما دخلونيش فهاد الشبوق

كود احمد الطيب /////

هاد العام تهلى القصر بزاف فعبد الاله بنكيران رئيس الحكومة السابق. الطريقة باش وصلات طونوبيلتو للقصر ووقفات جنب الباب وكيفاش جا 4 ليگاردكور وكلشي المدعويين كيشوفو حتى بان ليهم بنكيران خارج من الطونوبيلة٬ كلها اشارات ماشي مجانية.

باش دخل سلم علي الملك بحالو بحال رؤساء حكومات سابقة وهدر معاه. اللقاء كيف قال بنكيران كان ودي. تبادلو الابتسامة. هاد الشي شافوه لمغاربة فالنقل ديال الحدث.

حتى باش خرج بنكيران من القصر والاستقبال للي داروه ليه الناس قريب من الباب داخل فهاد الشي.

بنكيران كان خرج بفيديو فالقانون الاطار الخاص بالتربية والتعليم لمعارضة استخدام الفرنسية. ريب الحفلة ونوض نقاش فحزبو. القانون تم التصويت عليه والبارح الجمعة داز فمجلس المستشارين.

هاد الشي ماشي مجاني. اكيد فيه رسائل. اييه كاينة 20 عام من الحكم وبغى كاع اللي خدمو مع الملك يكونو. ولكن فحالة بنكيران ماشي غير خدم. راه مازال فاعل سياسي. من الرسائل المحتملة ان القصر فوق هاد الصراع الحزبي والنقاش السياسي. بنكيران من حقو يهدر ويعبر. يقول اللي بغى. والقصر ما داخلش فهاد اللعب السياسي ديال الاحزاب.

يعني اللي كيهدر على نهاية بنكيران وعلى انو عطاه تقاعد استثنائي راه كيعني يجمع راسو٬ غير كيهدر وصافي. الاستقبال الملكي ليه لاقامتو. الطريقة اللي تم استقبالو كتقول العكس. خدم كيف بغيتي. مارس حقك فالسياسة فالانتقاد للحكومة بالتعبير

موضوعات أخرى