كود الرباط//
قالت ليلى بنعلي، وزيرة الانتقال الطاقي والتنمية المستدامة، بأن تركيا تتوفر 20 ألف كلمتر ديال أنابيب الغاز (5 أنابيب)، في حين المغرب لم يتمكن من إنجاز 120 كلم من أنبوب الغاز بين تندرارة والأنبوب المغاربي الأوروبي.
بنعلي، خلال تقديم مشروع الميزانية الفرعية لوزارتها، أشادت بنموذج تركيا، وانتقدت المشاريع المتأخرة في المغرب، في إشارة غير مباشرة إلى مسؤولية المكتب الوطني للهيدروكاربورات والمعادن.
الوزيرة بنعلي هضرات على مشكل الحكامة والتشريع ضومن المعادن، وانتقدت تأخر عدد من المشاريع، وقالت: “هادي 25 عام دازت على مشروع ربط تندرارة بأنبوب الغاز المغاربي الأوروبي”.
وأكدت بنعلي بلي “كاين تضياع الوقت بزاف حيث عطينا اختصاصات سيادية لمؤسسات وعطات تأخير فواحد الميدان.. ولكن بغينا تكون مساحة للقطاع الخاص باش يدير تنقيب بكل أريحية وبلا ما يكون عليه ضغط من طرف المؤسسة الشريكة معه”، مضيفة: “مكرهتش يكون عندنا 5 أنابيب ويكون تنقيب ومصفاة ديال الغاز”.
وانتقدت الوزيرة كذلك، سماتهم “بغاو صحابنا يديرو المزايدة.. أنا ضد 60 يوم ديال التخزين ديال مادة الفيول راه ضد الاستراتيجية الوطنية للطاقة، في حين الغازوال والغاز هادو مواد مهمة وخصها يكون فيها تخزين”.
وأفادت بنعلي بأن مستوى قدرات تخزين المواد البترولية بلغ حوالي 3 مليون متر مكعب.
