كود سبور//

حاطين أولمبيك مارسليا الفرنسي بقيادة المدير الرياضي ديالهم، المغربي مهدي بنعطية، العين على النجم المغربي الشاب بلال الخنوس لاعب ليستر سيتي النگليزي، الفريق اللي هبط للقسم الثاني فبطولة النگليز.

وكشف موقع Le10 سبور الفرنسي، أن بلال الخنوس غايكون هدف لأولمبيك مارسليا الصيف الجاي، بعدما هبط الفريق ديالو ليستر سيتي للقسم الثاني فالنگليز، وأن ليستر مستعدين للتنازل عن الخدمات ديالو مقابل 26 مليون أورو.

وحسب نفس المصدر، فمارسيليا ماشي هما بوحدهم اللي باغيين بلال الخنوس مول الـ20 عام، ولكن أندية أوروبية أخرى حاطين عليه العين، والفريق الفرنسي غايلقى منافسة قوية معهم، ومن بينهم نابولي الطالياني، وفالنگليز كاينين أستون فيلا، ونيوكاسل، وخصوصا أرسنال باغيينو.