كود سبور//

ولات عند المغربي مهدي بنعطية المدير الرياضي صلاحيات أكبر داخل النادي، بعدما قنعوه المسؤولين د الكلوب الفرنسي يتراجع على الاستقالة اللي كان قدمها لهم، احتجاجا على إقالة المدرب الطالياني روبيرتو دي زيربي، وهو اللي اختار المدرب الجديد الفرنسي حبيب بايي.

ووضح مهدي بنعطية فتصريح له تناقلو الإعلام الفرنسي، وقال: “اختيار حبيب بايي كمدرب جديد لأولمبيك مارسليا كايتماشى مزيان مع الإرادة ديالنا فالتعاقد مع مدرب كايتمتع بالقيادة اللي محتاجها فريق بعد وقت صعيب فالتيران”.

وكمل مهدي بنعطية، وقال: “ملي بدينا الهضرة بان ملتزم بزاف ومركز مزيان على المستقبل، وعندو أهداف واضحة لكلشي، وهي الرجوع دغيا للرباح والطلوع للبوديوم فبطولة فرنسا، ومحاولة التتويج بكاس فرنسا لإهداء جماهير مارسيليا شي لقب”.