كود سبور//

باغي الدولي المغربي السابق والمستشارة التقني لأولمبيك مارسليا الفرنسي المهدي بنعطية، اللي كايخدم ايضا وكيل اعمال اللاعبين (باغي) يجيب المهاجم المغربي ايوب الكعبي لاعب أولمبياكوس إلى أولمبيك مارسليا.

وحسب موقع Tribune OM اللي قريب بزاف من أولمبيك مارسليا، فالمهدي بنعطية عيط لأيوب الكعبي وعرض عليه التوقيع مع الفريق الفرنسي وكيحاول يقنعو يسني معهم، ووضح نفس المصدر أن بنعطية عرض على الكعبي يجي لمارسيليا باش يشوف النادي.

وأكد نفس الموقع ان المهدي بنعطية باغي يجيب ايوب الكعبي فابور لأولمبيك مارسليا حيث العقد ديال الكعبي سالا مع نهاية هذا الموسم، وأولمبياكوس إلى بغاوه يكمل معهم خاصهم يفعلو بند امكانية التمديد حتى 2025 وهذا الشي غايخلي اي فريق باغي يسني مع اللاعب المغربي يخلص 5 مليون يورو لأولمبياكوس.