الرئيسية > آش واقع > بنعرفة ما دافعش على منتخبيه مزيان. ما جبدش التصرفيقة اللي عطاها والي الرباط لعمدتها وقلل من الاستقالات: صبرو وصمدو وما طيحوش امام الاستفزاز وراني معتز بيكم
23/01/2021 14:30 آش واقع

بنعرفة ما دافعش على منتخبيه مزيان. ما جبدش التصرفيقة اللي عطاها والي الرباط لعمدتها وقلل من الاستقالات: صبرو وصمدو وما طيحوش امام الاستفزاز وراني معتز بيكم

بنعرفة ما دافعش على منتخبيه مزيان. ما جبدش التصرفيقة اللي عطاها والي الرباط لعمدتها وقلل من الاستقالات: صبرو وصمدو وما طيحوش امام الاستفزاز وراني معتز بيكم

كود احمد الطيب الرباط ///

عبر سعد الدين العثماني الامين العام لحزب العدالة والتنمية فافتتاح الدورة العادية من المجلس الوطني لحزبو اللي تفتاتح اليوم السبت٬ عن اعتزازو وتقديرو “لما يقوم به منتخبو الحزب” بالمغرب. واكد ان هاد الانجازات كدار بتشارك مع حلفائهم ومختلف المتدخلين”

وذكر بما سماه منهج الحزب القائم “على العمل والنضال والصبر والشفافية والتواصل مما حقق تحولا نوعيا في التنمية الاقتصادية والمحلية وتطورا ملحوظا في واقع الجماعات سواء كانت قروية أو حصرية، مدنا صغرى أو متوسطة أو كبرى”.

ووجه شكره “لكل المنتخبين والشركاء والمتدخلين”. وسط هاد الشي ذكر باللي “العمل السياسي وتدبير الشأن المحلي لا يخلو من عقبات وعراقيل وتضحيات وإكراهات، لذلك أدعو منتخبينا إلى المزيد من الصمود والصبر والعمل وعدم السقوط أمام الاستفزاز مهما كان”

ودعا الى ما سماه “التعاون المثمر مع كل الفرقاء والشركاء والمؤسسات لخدمة مصالح المواطنين” واعتبر ان حزبو “طيلة مسيرته عنصرا أساسيا في مسار الإصلاح ببلادنا، وقدم بناته وأبناؤه في سبيل ذلك الكثير من التضحيات، ولا يزالون يقدمونها” وخاصو يواصل مسيرتو

فهاد الشي ما هدرش ولا جبد بنعرفة الرد القوي للي دارو والي جهة الرباط ضد عمدتها للي من حزبهم. كيفاش والي احتاقر باللغة وبالطريقة منتخب وكيفاش حزبو اللي كيسير الحكومة وهو الرئيس لهاد الوالي ما قدر يدير والو. حتى باش كيهدر على الدعم لهاد المنتخبين كيكون ضعيف. حقاش كيهدر على الدعم لممثلي حزبو وضرورة التعاون مع جميع المتدخلين. كيف كيهدر ديما بنعرفة: كيقول الهدرة ونقيضها. كيكوي ويبخ بطريقة باردة بزاف

موضوعات أخرى