الرئيسية > آراء > بنعرفة فاشل سياسيا وتواصليا. كيتصرف فالندوات الصحافية بمنطق شكون معايا وشكون ضدي وما نعرض الا على دياولي وصحاب صحابي وحتى القنوات العمومية ما حاشاتهاش ليه
19/07/2020 21:30 آراء

بنعرفة فاشل سياسيا وتواصليا. كيتصرف فالندوات الصحافية بمنطق شكون معايا وشكون ضدي وما نعرض الا على دياولي وصحاب صحابي وحتى القنوات العمومية ما حاشاتهاش ليه

بنعرفة فاشل سياسيا وتواصليا. كيتصرف فالندوات الصحافية بمنطق شكون معايا وشكون ضدي وما نعرض الا على دياولي وصحاب صحابي وحتى القنوات العمومية ما حاشاتهاش ليه

كود احمد الطيب الرباط //

بنعرفة كايدير زبلة مورا زبلة. هاد المرة دار ندوة صحفية فيها اجترار لبلاغ صيفتاتو الداخلية اليوم حول تخفيف الحجر وطلع الدم لبزاف ديال الصحفيين.

كنا كنتسناو منو ايدير ندوة صحفية حقيقية ويجاوب على اسئلة جميع الصحفيين بدون تمييز ويعطي معلومات وكانتسناو من المسؤولين على الصحافة لي معاه ايكونو منفاتحين على الجسم الاعلامي كاملو ومايديروش الفرزيات! بزاف ديال الصحفيين من منابر وطنية ودولية ماعلموهومش وماعاجبهومش هاد الفرزيات ديال فريق التواصل ديال بنعرفة.

السيد كيتصرف بمنطق حزبي قبلي متخلف ومعاه طلبا هادوك الفاشلين اللي دايرين بيه. الصحافي رضوان الرمضاني كتب على صفحتو علي الفايس “ها العار يلا ما تقول لشي ناس اللي انت مخدمهم فالديوان ديالك، وكيتخلصو من المال العام، باش يا حسراه يكونوا مكلفين بالتواصل، (قوليه) رئاسة الحكومة ما جاتكمش فالورث باش تحلوّ بيبانهالمن بغيتو وتسدوه على من بغيتو، وعاود قوليهم راه التواصل ماشي صدقة” وزادهم “عيّقتو وبسّلتو..”

واش العثماني وفريق ديالو خايفين من اسئلة ديال كود والصحافة الدولية؟

راه شوهة هادي! اول ندوة صحفية باسئلة واجوبة كاديرها الحكومة منذ بداية الحجر وماعلموش الصحفيين ديال المنابرة الوطنية على قدم المساواة!.
من غير هادشي هاد بنعرفة ضعيف بزاف، ديما كيبان صغير قدام وزير الداخلية، بحال شي موظف عند لفتيت.

اما داك وزير الصحة فالفشل عندو متجدر حتى هو فالتواصل. يا ودي يا ودي علي الكفاءات: رئيس حكومة ما فراسو والو ووزير الصحة دار شوهة تواصلية مع هاد الكورونا فيروس

موضوعات أخرى

14/08/2020 19:30

مداخيل الجماعات ضربها الريح بسبب كورونا: لفتيت طلب من المنتخبين يديرو تصفية الرسوم المفروضة بالنسبة للأنشطة لي توقفات خلال فترة الطوارئ منها كراء المسابح والاقامة بالمؤسسات السياحية

14/08/2020 18:00

ما في ضبط الكهرباء من تضحية سياسية ومخاطرة بالحياة! حين عرضت هذه التعيينات على أعضاء حزب العدالة والتنمية رفضوها خوفا من أن يصعقهم الكهرباء وليس زهدا في المنصب

14/08/2020 17:30

لليوم الثاني الوفيات والاصابات بكورونا طالعين.. 27 مغربي ماتو و1306 تصابو و1010 براو.. الطوطال: 39241 مصاب و611 متوفي و27644 متعافي و10986 كيتعالجو